Sverrir Bergmann og Halldór Gunnar

Það er okkur ánægja að kynna til leiks ljúfa tóna Sverris Bergmanns og Halldórs Gunnars í Borgarvirki í ár.

Sverrir og Halldór Gunnar hafa starfað saman í tæpan áratug og hafa þeir spilað vítt og breitt um landið og ýmislegt brallað á þeim tíma. Þar má til dæmis nefna plöturnar „Fallið Lauf“ og „Föstudagslögin“ sem komu báðar út árið 2012.

Sverrir hefur einnig komið fram með Fjallabræðrum töluvert á þessum tíma og hefur hann sungið inn plötur hjá bræðrunum og má þar nefna lögin „Hér á ég heima“ af Abbey Road plötu Fjallabræðra og „Þar sem hjartað slær“ sem var Þjóðhátíðarlag Vestamannaeyja 2012.

Fyrir rúmu ári síðan stofnuðu þeir hljómsveitina Albatross sem sendi fyrst frá sér lagið „Ástin á sér stað“ ásamt Friðrik Dór. Einnig kom út stuttskífa á netinu sem ber heitið „Albatross í Hlégarði“ en þar er að finna nokkur tökulög. Nýjasta afurð Albatross er lagið „Ég ætla að skemmta mér“ og kom það út í lok árs 2017.

Góða skemmtun!

Tékkaðu á þessu!

SVERRIR OG HALLDÓR TAKA „DIAMONDS“

2018-05-01T21:12:34+00:00